Almatyda beınerolık túsirý úshin joldy japqan 3 adamǵa aıyppul salyndy

ALMATY. KAZINFORM – Almatyda bir kafeniń úsh qyzmetkeri jarnamalyq beınerolık túsirý úshin qarbalas dańǵyldaǵy jaıaý júrginshiler ótkeline ústel qoıyp, joldy bógep tastaǵan.

Olardyń áreketi Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynda qaraldy. Úsh azamat sotta óz kinásin moıyndady.

- Sottyń qaýlysymen beınerolık túsirilimine qatysýshylar ÁQBtK-niń 434-babynyń 1-bóligi (qorshaǵandarǵa qurmetsizdik tanytý jáne qoǵamdyq tártipti buzý) boıynsha kináli dep tanylyp, olarǵa 20 AEK mólsherinde – árqaısyna 78 myń teńgeden astam aıyppul salyndy. Sot qaýlysy zańdy kúshine endi, - dep habarlady Almaty sotynyń baspasóz qyzmeti.

Eske salaıyq, buǵan deıin Almatyda mylqaý taksı júrgizýshisine qurmetsizdik tanytqan bloger polıtsııaǵa jetkizildi.