Almatyda beınekameralardyń kómegimen 2 myńnan astam qylmys ashyldy

ALMATY. KAZINFORM — Almatyda jyl basynan beri beınebaqylaý kameralarymen 2183 qylmys ashyldy.

Qalalyq polıtsııa departamentiniń málimetinshe, jedel basqarý ortalyǵynda 45809 beınebaqylaý júıesi bar. Onyń 25840-y bilim berý nysandarynda ornatylǵan.

«Jyl basynan beri beınebaqylaý júıeleriniń kómegimen 2183 qylmys ashylyp, 15310 qoǵamdyq tártipti buzý deregi anyqtaldy. Almatyda qalalyq beınebaqylaý júıesin naqty ýaqyt rejıminde basqarýǵa, bolyp jatqan oqıǵalarǵa jedel jaýap berýge, sondaı-aq tulǵany taný fýnktsııalaryn paıdalanýǵa múmkindik beretin biryńǵaı beınebaqylaý platformasy jumys isteıdi. Jalpy alǵanda, júıe jol qozǵalysyn basqarady jáne qaýipsizdik beıne-analıtıkasynyń fýnktsııalaryn oryndaıdy. Júıeniń engizilýimen qalada qylmys deńgeıi tómendedi»,- dep habarlady vedomstvodan.

Osyǵan deıin jyl basynan beri qala ákimdiginiń jobalyq ofısiniń qoldaýymen biryńǵaı beınemonıtorıng júıesine 45 myń kamera qosylǵany týraly jazǵan edik.

Jyl sońyna deıin Almaty kóshelerine taǵy da 50 myń kamera ornatylady.