Almatyda beınekamera kómegimen 2 myńnan astam qylmys ashylǵan

Almatyda búgingi kúni 139 myńǵa jýyq beınebaqylaý kamerasy jumys istep tur. Olar kópqabatty úılerdiń aýlalarynda, qoǵamdyq oryndarda jáne basqa da nysandarda ornatylǵan, dep habarlaıdy Kazinform.

Almaty qalalyq polıtsııa departamentiniń málimetinshe, jyl basynan beri qalada beınebaqylaý júıesiniń kómegimen 2 718 qylmys ashylyp, 1 597 191 ákimshilik quqyq buzýshylyq anyqtalǵan.

Sondaı-aq Almatyda búgingi kúni barlyǵy 138 875 beınebaqylaý kamerasy jumys istep tur:

- onyń ishinde onyń 5 752 beınekamera «Qaýipsiz aýla» baǵdarlamasy boıynsha kópqabatty úılerge;

- qala joldarynda 9 657;

- bilim berý nysandarynda 19 078;

- densaýlyq saqtaý nysandarynda 3 071;

- sport nysandarynda 1 932;

- qoǵamdyq oryndarda 1 746;

- ártúrli menshik nysanyndaǵy obektilerde 91 744;

- Metropolıten men qoǵamdyq kólikterde 1 337 beınekamera ornatylǵan.