Almatyda beınebaqylaý júıesiniń arqasynda qylmys azaıdy

ALMATY. KAZINFORM — Jyl basynan beri Almaty qalasynda qylmys deńgeıi 10-15%-ǵa tómendedi. 

Qalalyq polıtsııa departamentiniń málimetinshe, quqyq buzýshylyqtyń basym bóligi qalanyń ár jerine ornatylǵan 150 myńǵa jýyq beınebaqylaý kameralarynyń kómegimen ashylǵan. Tsıfrlyq quraldar oqıǵalarǵa jedel áreket etýge jáne qylmystyń aldyn alýǵa múmkindik beredi. 

Kún saıyn polıtsııa qyzmetkerleri qoǵamdyq tártipti saqtaý jáne azamattardyń qaýipsizdigin qamtamasyz etý úshin qalanyń kóshelerinde qyzmet atqarady. 

Almaty qalasy polıtsııa departamentiniń jergilikti polıtsııa qyzmeti basqarmasynyń bastyǵy Serik Shýmaevtyń sózinshe, qylmystardy ashýmen qatar profılaktıkalyq reıdter, túsindirý jumystary jáne qoǵamdyq oryndar men joldarda tártipti baqylaý sharalary turaqty túrde júrgiziledi. 

— Jyl basynan beri patrýldik polıtsııa qyzmetkerleri 2 000-nan astam qylmystyq quqyq buzýshylyqty ashýǵa qatysty. Qalada qylmys deńgeıi 10-15%-ǵa tómendedi. Aldaǵy Táýelsizdik kúni men Jańa jyl merekeleri qarsańynda patrýldik polıtsııa garnızony men Polıtsııa departamenti kúsheıtilgen jumys rejımine kóshiriledi, - dedi Serik Shýmaev.