Almatyda beıádep sózdermen kontent túsiretin eki bloger qamaldy
ALMATY. KAZINFORM –TikTok jelisinde bylapyt sózder qoldanǵan eki almatylyq bloger 5 táýlikke qamaýǵa alyndy.
Qalalyq polıtsııa departamentiniń málimetinshe, TikTok jelisine júrgizilgen monıtorıng barysynda eki jigittiń ádepsiz, bylapyt sózder aıtyp, balaǵat sózderdi qoldanǵan beınejazbalary anyqtalǵan.
- Avtorlar vıdeodaǵy áreketterin ázil retinde usynǵan. Polıtsııa qyzmetkerleri olardyń jeke basyna qatysty málimetterdi anyqtady. Olar 25 jastaǵy Ibraım Stambekov jáne 21 jastaǵy Abaı Abdyhanov bolyp shyqty. Atalǵan fakti boıynsha eki azamat ta ákimshilik jaýapkershilikke tartyldy, - dep habarlady departamentten.
Sot sheshimimen olar kináli dep tanylyp, árqaısysyna 5 táýlikten ákimshilik qamaý jazasy taǵaıyndalǵan. Polıtsııa jarııalanǵan materıaldy «ázil» retinde kórsetý jaýapkershilikten bosatpaıtynyn málimdedi.
Eske salaıyq, buǵan deıin Almaty oblysynda kortej uıymdastyryp, jol erejesin buzǵandar 10 táýlikke qamaldy.
