Almatyda besinshi qabattan sekirgen áıel kóz jumdy
ALMATY. KAZINFORM – Naýryzbaı aýdanyndaǵy turǵyn úı keshenderiniń birinde tún ortasyna qaraı qaıǵyly oqıǵa boldy. Bul týraly qalalyq polıtsııa departamentiniń baspasóz qyzmeti habarlady.
Aldyn ala málimet boıynsha, 1988 jyly týǵan áıel besinshi qabattyń terezesinen sekirip, ózine qol jumsaǵan. Oqıǵa ornyna jedel jetken medıtsına qyzmetkerleri onyń qaza tapqanyn rastady.
– Atalǵan derek boıynsha Naýryzbaı aýdandyq polıtsııa basqarmasy qylmystyq is qozǵady. Qazirgi ýaqytta oqıǵanyń mán-jaıyn jan-jaqty anyqtaýǵa baǵyttalǵan qajetti tergeý áreketteri júrgizilip jatyr, - delingen vedomstvo taratqan habarlamada.
Polıtsııanyń málimetinshe, marqum sol turǵyn úı kesheninde turǵan. Aldyn ala aqparatqa sáıkes, keıingi ýaqytta ol jeke ómirinde qıyndyqtar bolyp, kúızeliske túsken.
Eske salaıyq, buǵan deıin Almatyda jyl basynan beri tórt bala terezeden qulap ketkenin jazǵanbyz.
