Almatyda bes jylǵa sozylǵan áleýmettik nysandardyń qurylysy bıyl aıaqtaldy
ALMATY. KAZINFORM — Almatyda uzaqqa sozylǵan eki mańyzdy áleýmettik nysannyń qurylysy aıaqtaldy. Barlyq tıisti jumystardyń oryndalýyn Almaty qalasynyń sybaılas jemqorlyqqa qarsy qyzmeti baqylaýda ustaǵan.
2024 jyldyń tamyzynda sybaılas jemqorlyqqa qarsy qyzmet pen jergilikti atqarýshy organdardyń birlesken sharalarynyń arqasynda 2019 jyly qurylysy bastalyp, 2020 jáne 2021 jyly aıaqtalýy tıis bolyp, biraq bitpegen eki nysannyń qurylysy aıaqtaldy.
Olar — Shanyraq 1, 2 shaǵynaýdandarynda sarqyndy sýdy aıdaý stantsııasy jáne Qarasý shaǵynaýdanynyń shyǵys bóliginde sýmen jabdyqtaý jáne sý burý obektisi.
— Atalǵan shaǵynaýdandarda 6,5 myńnan astam úı 5 jyl boıy sýmen jabdyqtaý jáne sý burý jelilerine qosylmaǵan. 2023 jylǵy qarashada jáne 2024 jylǵy naýryzda osy uzaqqa sozylǵan qurylystardy aıaqtaý máselesi qala ákiminiń qatysýymen vedomstvoaralyq komıssııada qaraldy. Qurylys barysyn jedel baqylaý úshin jyl basynan beri sybaılas jemqorlyqqa qarsy agenttik qyzmetkerleri eriktilermen birlesip apta saıyn osy obektilerge baryp, týyndaıtyn máselelerdi sheshýge jáne jumys kestelerin saqtaýǵa yqpal etti, — dep habarlady Antıkordan.
