Almatyda bes synaq zerthanasyna aıyppul salyndy
ASTANA. KAZINFORM - Almaty qalasynda bes synaq zerthanasyna jospardan tys tekserý júrgizildi, dep habarlaıdy QR SIM Tehnıkalyq retteý jáne metrologııa komıtetiniń baspasóz qyzmeti.
Tekserý barysynda zerthanalar bergen Kólik quraly konstrýktsııasynyń qaýipsizdigi týraly kýálikterinde (KQKQK) Keden odaǵynyń «Dońǵalaqty kólik quraldarynyń qaýipsizdigi týraly» tehnıkalyq reglamentiniń (KO TR 018/2011) talaptarynyń buzylǵany anyqtaldy.
Reglamentke sáıkes akkredıttelgen synaq zerthanalary kólik quralyn tekserýdi, sonyń ishinde nómir boıynsha sáıkestendirýdi, qurylymdyq tehnıkalyq saraptamany, sondaı-aq qajetti synaqtar men ólshemderdi júrgizýge mindetti. Osy rásimderdiń nátıjeleri boıynsha hattama jáne Kólik quraly konstrýktsııasynyń qaýipsizdigi týraly kýálikteri jasalady.
Alaıda, tekserýler kórsetkendeı, atalǵan synaq zerthanalary KQKQK berer aldynda kólik quraldaryna synaqtar júrgizbegen. Bul Qazaqstan Respýblıkasynyń «Sáıkestikti baǵalaý salasyndaǵy akkredıtteý týraly» jáne «Tehnıkalyq retteý týraly» zańdarynyń buzylýy bolyp tabylady.
Anyqtalǵan zań buzýshylyqtarǵa baılanysty departament zań buzýshylyqtardy joıý týraly uıǵarymdar berip, zańsyz berilgen KQKQK-di joıdy. Synaq zerthanalaryna jalpy somasy 11 690 718 teńge mólsherinde ákimshilik aıyppul salynyp, akkredıtatsııa kýálikteri alty aı merzimge toqtatyldy.
