Almatyda belgisiz jalańash áıeldiń denesi tabyldy
ALMATY. KAZINFORM - Almatynyń Naýryzbaı aýdanynda kıimsiz jatqan áıeldiń denesi tabyldy.
Bul týraly quqyq qorǵaýshy Dına Tańsári instagram-daǵy paraqshasynda bólisti.
«Taýsamaly aýyly, «Montajnık» SO-da 15 maýsymda birneshe polıtsııa kóligi keldi. Bul jerde jas áıeldiń denesi tabyldy. Ol kıimsiz jalańash boldy», - delingen jazbada.
Almaty qalalyq polıtsııa departamenti, kisi óltirý faktisi boıynsha qylmystyq is qozǵalǵanyn málimdedi.
«Qazirgi ýaqytta kúdiktini ustaýǵa baǵyttalǵan jedel-izdestirý is-sharalarynyń kesheni júrgizilýde. Basqa jaǵdaılar anyqtalyp jatyr», - dep habarlady polıtsııadan.
Osyǵan deıin Sholohov kóshesindegi qaraýsyz qalǵan ǵımarattyń janynan áıeldiń máıiti tabylǵany týraly jazǵan bolatynbyz.
Biraz ýaqyttan keıin sol mańdaǵy saýda oryndarynyń birinen máıittiń basy tabyldy. Keıin áıeldi óltirip, basyn kesip alǵan 61 jastaǵy er adam 20 jylǵa sottaldy.
