Almatyda belgili boksshy Serik Nurqazovqa izdeý salyndy
Almatyda 64 jastaǵy belgili qazaqstandyq jáne keńestik sportshy Serik Nurqazov joǵalyp ketti, dep habarlaıdy Kazinform.
"Qoǵam" jedel áreket etý jasaǵynyń Instagram paraqshasynda Almatyda tanymal sportshy Serik Nurqazovqa izdeý salynǵany týraly aqparat shyqty. Er adam 14 jeltoqsanda úıinen belgisiz baǵytqa shyǵyp, qaıta oralmaǵan. Onyń basynda sur shapka, ústinde kapıýshony bar kók kúrte, aq jempir, qara djınsy bolǵan. Sondaı-aq onyń shashy aq jáne saqaly bar ekeni aıtylǵan.
Serik Tókenuly Nurqazov Qaraǵandy oblysynda dúnıege kelgen: bokstan KSRO eńbek sińirgen sport sheberi; 1983 jyly Rımde ótken Álem kýbogynyń kúmis júldegeri; 1981 jyly Tamperede ótken Eýropa chempıonatynyń qola júldegeri; 1983 jyly Varnada ótken Eýropa chempıony; KSRO-nyń birneshe dúrkin chempıony.
