Almatyda Baızaqov kóshesiniń bóliginde 2 aptaǵa qozǵalys shekteledi
ALMATY. KAZINFORM – Almatyda Shevchenko men Baızaqov kósheleriniń qıylysynda ınjenerlik jeli tartý jumystary bastalady.
Energetıka jáne sýmen jabdyqtaý basqarmasynyń málimetinshe, 31 tamyz ben 14 qyrkúıek aralyǵynda Almaly aýdanynda salynyp jatqan «Shevchenko-Baızaqov» turǵyn úı keshenine jylý, sý qubyry jáne sý burý jelilerin tartý jumystary júrgiziledi.
Osyǵan baılanysty Baızaqov kóshesiniń Jambyl kóshesinen Shevchenko kóshesine deıingi bóliginde avtokólik qozǵalysy ishinara shekteledi.
- Jylý júıesi Jambyl kóshesi, 168a mekenjaıyndaǵy qosylý núktesinen salynyp jatqan ǵımaratqa deıin tartylady. Sý qubyry jáne sý burý jelileri Baızaqov kóshesi, 232 mekenjaıyndaǵy qosylý núktelerinen nysanǵa deıin júrgiziledi. Injenerlik jelilerdi tartý jumystaryn Qazaq Stroy kompanııasy júzege asyrady. Joba aıasynda káriz jelilerin montajdaý jáne keıinnen aýmaqty kórkeıtý jumystary da qarastyrylǵan, - dep habarlady basqarmadan.
Eske salaıyq, buǵan deıin Abaı dańǵyly Saın kóshesinen Momyshuly kóshesine deıingi aralyqta 1 qyrkúıekke deıin ishinara jabylatynyn jazǵanbyz.
Odan bólek Tóle bı kóshesin qala shekarasyna deıin uzartý jumystaryna baılanysty Áshimov kóshesiniń bóligi de qyrkúıekke deıin jabyldy.
