11:59, 12 Naýryz 2025 | GMT +5
Almatyda báısheshek gúldedi
ALMATY. KAZINFORM — Almatynyń Bas botanıkalyq baǵy óz aýmaǵynda báısheshek gúldegenin jazdy.
Botanıkalyq baqtyń baspasóz qyzmeti bıyl aýa raıyna baılanysty gúldiń kesh búr jarǵanyn atap ótti.
— Endi kóktem keldi dep aıta alamyz, óıtkeni botanıkalyq baqta alǵashqy galantýs shyqty. Olardy báısheshek dep te ataıdy. Ádette bul ádemi názik gúlder aqpanda, tipti qańtarda gúldeıdi. Biraq qalyń qar men qystyń uzaq bolýyna baılanysty gúl sál kesh shyqty, — dep habarlady mekemeden.
Eske salaıyq, aqpan aıynyń sońǵy kúnderi Jubanov kóshesiniń boıynda gúldegen kóktem gúlin qazaqstandyq fotograf sýretke túsirip alǵan bolatyn.