Almatyda Báıseıitova kóshesi ýaqytsha jabyldy
ALMATY. KAZINFORM — Almatynyń Bostandyq aýdanynda Báıseıitova kóshesiniń bir bóliginde kólik qozǵalysy ýaqytsha shekteldi.
«Almaty jylý júıesi» JShS málimetinshe, 3 qazan saǵat 09:00–den 5 qazan saǵat 20:00–ge deıin Báıseıitova kóshesiniń Abaı dańǵylynan № 45 úıge deıingi bóliginde kólik júrmeıdi.
Ýaqytsha shekteý jylý jelisiniń magıstraldyq ýchaskesinde jóndeý jumystaryn júrgizý kezinde qaýipsizdikti qamtamasyz etý úshin engiziledi.
Jumys jylytý kezeńinde shtattan tys jaǵdaıdyń týyndaý qaýpin barynsha azaıtý maqsatynda júrgizilip jatyr.
Eske salaıyq, Almatyda Kóktóbe saıabaǵy ýaqytsha jabylatyny aıtyldy.
