Almatyda báıgeden el chempıondary anyqtaldy
Almatyda báıgeden Qazaqstan chempıonatynyń fınaly ótti, dep habarlaıdy QazAqparat tilshisi.
Fınaldyq jarysqa elimizdiń ár óńirinen 160-tan astam tulpar men shabandoz qatysty. Jarystyń jalpy júlde qory 82 500 000 teńgeni qurady. Jarys báıgeniń 7 túri: qunan báıge, top báıge, alaman báıge, jorǵa jarys, Qazaqstanda týǵan qunandar báıgesi, uly alaman jáne eki jasar tulparlar arasyndaǵy ushqyr báıge boıynsha ótti.
Sondaı-aq, Qazaqstannyń túkpir-túkpirinde ótken irikteý kezeńderiniń jeńimpazdary fınalda qunan báıge, top báıge jáne alaman báıge boıynsha saıysqa tústi. Bir aıta keterligi, búgin Qazaqstanda alǵash ret 35 shaqyrymdyq Uly alaman báıge uıymdastyryldy. Oǵan eshqandaı shekteý qoıylǵan joq, qatysýǵa nıet bildirgen kez-kelgen shabandoz qatysýǵa múmkindik aldy.
«At sporty, onyń ishinde báıge — bizdiń halqymyzdyń ejelden kele jatqan dástúri. Báıge bizdiń qanymyzda. Bul tek sport túri ǵana emes, erekshe mádenıet pen ónerdiń, bizdiń uly ata-babalarymyzdyń murasy. Bizdiń mindetimiz – ulttyq sportty damytý jáne nasıhattaý», - dedi QR báıge federatsııasynyń prezıdenti Qanat Kópbaev.
Jarys nátıjeleri tómendegideı boldy:
«Ushqyr báıge» 1 600 metr:
1-oryn Kúrishbek D. — «Orasan Zor» esimdi tulpary;
2-oryn Tabyldıev R. — «Bekzada» esimdi tulpary;
3-oryn Alpysbaı R. — «Rıanna Skaı» esimdi tulpary;
«Qunan báıge» 11 shaqyrym:
1-oryn Arnat Murathan — «Zymyran» esimdi tulpary;
2-oryn Dilnur Nurmuqash — «Mamlıýk» esimdi tulpary;
3-oryn Aslanbek Abdyqal — «Jezqara» esimdi tulpary;
4-oryn Aıbat Danııaruly — «Batyr» esimdi tulpary;
«Jorǵa jarys» 9 shaqyrym:
1-oryn Múslimuly Maqsat — «Banzaı» esimdi tulpary;
2-oryn Erkebulan Berikbolatov — «Anashıd» esimdi tulpary;
3-oryn Rolman Anatolıı — «Myrza-tory» esimdi tulpary;
«Qazaqstanda týǵan qunandar báıgesi» 11 shaqyrym:
1-oryn Arnat Murathan — «Juldyzaı» esimdi tulpary;
2-oryn Abzal Turmys — «Beıbarys» esimdi tulpary;
3-oryn Aısultan Mırazat — «Janetta» esimdi tulpary;
4-oryn Qýat Ádilqas — «Marjan» esimdi tulpary;
«Top báıge» 18 shaqyrym:
1-oryn Abzal Turmys — «Tumar» esimdi tulpary;
2-oryn Nuralı Aıtqabyl— «Aqtanaý» esimdi tulpary;
3-oryn Asyljan Tólegen — «Balhash» esimdi tulpary;
4-oryn Oljas Meırjanuly — «Narqasqa» esimdi tulpary;
5-oryn Qýanyshbek Tólendıev — «Alǵabas» esimdi tulpary;
«Alaman báıge» 25 shaqyrym:
1-oryn Álisher Tilek — «Sekret» esimdi tulpary;
2-oryn Amırhan Torebekov — «Stýd Men» esimdi tulpary;
3-oryn Aldııar Erdosuly — «Alǵyr» esimdi tulpary;
4-oryn Murathan Arnat — «Báıterek» esimdi tulpary;
5-oryn Nuráli Aıtqabyl — «Tomırıs» esimdi tulpary;
«Uly alaman báıge» 35 shaqyrym:
1-oryn Abdykal Aslanbek — «Shaǵala» esimdi tulpary;
2-oryn Abzal Turǵanbek — «Aısýat» esimdi tulpary;
3-oryn Islamnur Ertós — «Aqjúrek» esimdi tulpary;
4-oryn Aldabergen Almaz — «Talısman» esimdi tulpary;
5-oryn Baqjan Aıdaraly — «Saryarqa» esimdi tulpary.
Jarys uıymdastyrýshylary 4 pen 5-shi oryn alǵan shabandozdardy da aqshalaı syılyqpen marapattady.
