Almatyda Baýyrjan Momyshuly kóshesiniń bir bóligi jabylady

ALMATY. KAZINFORM — Almatyda 18 mamyrda BI Run qaıyrymdylyq jarysy ótedi. Osyǵan baılanysty 18 mamyr kúni saǵat 07:00–den 12:00–ge deıin jarys ótkiziletin aýdanda kólik qozǵalysyna ýaqytsha shekteýler qoıylatyn bolady.

— Baýyrjan Momyshuly kóshesiniń (ońtústik baǵytta) Móńke kóshesinen (Bıgvıll Arena City TK) Almaty Arena-ǵa deıingi ýchaskede bir avtobýs jolaǵy jáne jeńil avtomobılderge arnalǵan bir jolaq jabylady. Osy baǵyttaǵy qalǵan jolaq shtattyq rejımde jumys isteıtin bolady, — dep habarlady Sport basqarmasynan.

Sondaı-aq Almaty Arena aýmaǵyndaǵy aınalma kóshe tolyq jabylady. Bul ýchaskede 5 jáne 10 km qashyqtyqta qaýipsiz júgirý marshrýty uıymdastyrylady.

— Qashyqtyqtaǵy qaýipsizdikti jol polıtsııasynyń qyzmetkerleri men eriktiler qamtamasyz etedi. Turǵyndar men avtokólik ıelerinen ýaqyt shekteýlerin eskere otyryp, marshrýtty aldyn ala josparlaýdy suraımyz, — delingen habarlamada.

Eske salaıyq, buǵan deıin Buqar Jyraý kóshesiniń bir bóligi maýsym aıyna deıin jabylǵany týraly jazǵanbyz.