Almatyda basqarmalardyń eks-basshylaryna ekinshi ret sot úkimi shyqty

Sot aıyptalýshylar oryndyǵynda otyrǵan alty adamǵa qatysty úkimin jarııalady. Almaty qalasy Josparlaý jáne ýrbanıstıka basqarmasynyń burynǵy basshysy Almashan Ahmedjanov 9 jylǵa bas bostandyǵynan aıyryldy. Ol jazasyn qylmystyq-atqarý júıesiniń ortasha qaýipsizdik mekemesinde óteıdi.

Ahmedjanov myna baptar boıynsha kináli dep tanyldy:

* QR QK 190-baby 4-bóliginiń 2-tarmaǵy, 28-babynyń 5-bóligi — asa iri mólsherdegi alaıaqtyqqa sybaılas bolý;

* QR QK 361-babynyń 1-bóligi — laýazymdyq ókilettikterdi teris paıdalaný;

* QR QK 361-baby 4-bóliginiń 3-tarmaǵy — aýyr zardaptarǵa ákep soqqan laýazymdyq ókilettikterdi teris paıdalaný.

Almaty qalasy Jer qatynastary basqarmasynyń eks-basshysy Ardaq Samambetovke jazasyn qylmystyq-atqarý júıesiniń ortasha qaýipsizdik mekemesinde óteıdi. Oǵan 5 jyl 6 aı merzimge bas bostandyǵynan aıyrý jazasy taǵaıyndaldy.

Samambetov myna baptar boıynsha kináli dep tanyldy:

* QR QK 190-baby 4-bóliginiń 2-tarmaǵy, 28-babynyń 5-bóligi — asa iri mólsherdegi alaıaqtyqqa sybaılas bolý;

* QR QK 361-baby 4-bóliginiń 3-tarmaǵy — aýyr zardaptarǵa ákep soqqan laýazymdyq ókilettikterdi teris paıdalaný.

Jer ornalastyrý bóliminiń burynǵy basshysy Erlan Jarmuhanbetov 13 jylǵa bas bostandyǵynan aıyryldy. Ol jazasyn qylmystyq-atqarý júıesiniń ortasha qaýipsizdik mekemesinde óteıdi.

Ol myna baptar boıynsha kináli dep tanyldy:

* QR QK 190-baby 4-bóliginiń 2-tarmaǵy, 24-babynyń 3-bóligi — asa iri mólsherdegi alaıaqtyqqa oqtalý;

* QR QK 190-baby 4-bóliginiń 2-tarmaǵy — asa iri mólsherdegi alaıaqtyq;

* QR QK 361-baby 4-bóliginiń 3-tarmaǵy, 28-babynyń 5-bóligi — laýazymdyq ókilettikterdi teris paıdalanýǵa sybaılas bolý;

* QR QK 361-baby 4-bóliginiń 3-tarmaǵy — aýyr zardaptarǵa ákep soqqan laýazymdyq ókilettikterdi teris paıdalaný;

* QR QK 366-babynyń 4-bóligi, 24-babynyń 3-bóligi — asa iri mólsherde para alýǵa oqtalý.

Baǵalaý kompanııasynyń eks-dırektory Almazhan Baqyrov kináli dep tanylyp, 8 jylǵa bas bostandyǵynan aıyryldy.

Baqyrov myna baptar boıynsha kináli dep tanyldy:

* QR QK 190-baby 4-bóliginiń 2-tarmaǵy, 24-babynyń 3-bóligi — asa iri mólsherdegi alaıaqtyqqa oqtalý;

* QR QK 190-baby 4-bóliginiń 2-tarmaǵy — asa iri mólsherdegi alaıaqtyq;

* QR QK 361-baby 4-bóliginiń 3-tarmaǵy, 28-babynyń 5-bóligi — laýazymdyq ókilettikterdi teris paıdalanýǵa sybaılas bolý;

* QR QK 366-babynyń 4-bóligi, 24-babynyń 3-bóligi, 28-babynyń 5-bóligi — asa iri mólsherde para alýǵa oqtalýǵa sybaılas bolý.

Kásipkerler Muhanbetaly Shalqarbekov pen Berik Óskembaev QR QK 190-baby 4-bóliginiń 2-tarmaǵy — «asa iri mólsherdegi alaıaqtyq» baby boıynsha kináli dep tanyldy. Sot olardyń árqaısysyna 5 jyldan shartty túrde bas bostandyǵynan aıyrý jazasyn taǵaıyndady. Sonymen qatar Qazaqstan Respýblıkasy Konstıtýtsııasynyń 30 jyldyǵyna oraılastyrylǵan raqymshylyqty qoldanýǵa baılanysty árqaısysyna taǵaıyndalǵan merzim birden beske qysqartyldy. Túpkilikti túrde olardyń árqaısysyna jazanyń búkil merzimine probatsııalyq baqylaý belgileı otyryp, 4 jyldan shartty túrde bas bostandyǵynan aıyrý jazasy júkteldi.

Іsti Almaty qalasynyń Qylmystyq ister jónindegi mamandandyrylǵan aýdanaralyq sotynyń sýdıasy Baqythan Bákirbaev qarady.

Úkim zańdy kúshine engen joq.

Buǵan deıin qaıtadan ótip jatqan sotta basqarmanyń eks-basshysy sońǵy sózin aıtqanyn jazǵanbyz.

Eske salaıyq, Almashan Ahmedjanov 2023 jyldyń jazynda ustalǵan bolatyn. Ol Almatyda jer telimderin berý jáne qurylys nysandaryn kelisý kezinde ókilettigin asyra paıdalandy dep kúdikke ilindi.

2025 jyldyń aqpanynda bul is boıynsha barlyq alty adamǵa qatysty sot úkimi shyqqan bolatyn. Almashan Ahmedjanov 11 jylǵa, Ardaq Samambetov 10 jylǵa, Erlan Jarmuhanbetov 14 jylǵa, Almazhan Baqırov 8 jylǵa bas bostandyǵynan aıyrylǵan. Al kásipkerler Muhanbetáli Shalqarbekov pen Berik Óskembaevqa bes jyldan shartty jaza taǵaıyndaldy.

Alaıda 2026 jyldyń aqpanynda Almaty qalalyq soty bul úkimniń kúshin joıdy. Keıinnen qylmystyq-protsestik zańnamanyń buzylýyn joıý úshin qylmystyq is prokýrorǵa qaıtarylyp, sodan keıin qaıta sotqa berildi.

Іs Almaty qalasynyń qylmystyq ister jónindegi mamandandyrylǵan aýdanaralyq sotynda 2026 jyldyń sáýir aıynda qaıta qarala bastady.