Almatyda básekelestik zańdylyǵyn buzǵan «Petrosan» kompanııasyna 875 mln teńge aıyppul salyndy

ASTANA. KAZINFORM – Básekelestikti qorǵaý jáne damytý agenttiginiń Almaty qalasy boıynsha departamenti jekelegen satyp alýshylarmen dızel otynyn ótkizý jónindegi sharttardy jasasýdan bas tartýda taýar naryǵyndaǵy básekelestikti shekteýge ákelip soqqan ústem jaǵdaıdy teris paıdalaný faktisi boıynsha «Petrosun» JShS (budan ári – Seriktestik) qatysty tergeýdi aıaqtady.

Aǵymdaǵy jylǵy 16 shildede Joǵarǵy Sottyń ákimshilik ister jónindegi sot alqasynyń qaýlysymen tergeý qorytyndylary zańdy dep tanylǵan jergilikti sottardyń sot aktileri ózgerissiz qaldyryldy.

Sondaı-aq 12 qyrkúıekte Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynyń qaýlysymen Seriktestik «Ákimshilik quqyq buzýshylyqtar týraly» Kodekstiń 159-babynyń 4-bóligi boıynsha aldyńǵy jazadan keıin bir jyl ishinde jasalǵan qaıtalap buzýshylyqqa baılanysty ákimshilik jaýaptylyqqa tartyldy.

Seriktestik 875 mln teńge kóleminde ákimshilik jazaǵa tartyldy.

Qaýly zańdy kúshine engen joq.