Almatyda Bas josparǵa qatysty turǵyndardyń suraǵyna jaýap beretin ortalyq ashyldy
ALMATY. KAZINFORM — Almatyda turǵyndarǵa Bas jospar týraly aqparatty qoljetimdi etý úshin baılanys ortalyǵy iske qosyldy.
«Almatybasjospar» málimetinshe, endi qala turǵyndary Bas jospar boıynsha tikeleı jaýap ala alady.
Turǵyndar baılanys ortalyǵyna habarlasyp, Bas josparǵa qatysty suraq qoıyp, aýmaqtar boıynsha aqparatty naqtylaıdy.
— Baılanys ortalyǵynda jalpy túsindirmelermen qatar, jer ýchaskeleri men jyljymaıtyn múlikke qatysty qujattar boıynsha jeke keńes te beriledi. Bizdiń mindetimiz — turǵyndarǵa jaǵdaıyn túsinýge, qolyndaǵy qujattardy anyqtaýǵa kómektesý, — dedi «Almatybasjospar» bas dırektory Ashat Sádýov.
Keıin jıi qoıylatyn suraqtar «Almatybasjospardyń» áleýmettik jelilerdegi resmı paraqshalaryna jarııalanyp otyrady.
WhatsApp-taǵy baılanys ortalyǵynyń nómiri: +7 705 653 83 57.
Eske salaıyq, Almatynyń bas jospary qoǵamdyq tyńdaýda talqyǵa túskenin jazǵanbyz.
