Almatyda bas shyrshanyń shamdary jaǵyldy
Dástúr boıynsha jańa jyldyq shyrsha shamy Táýelsizdik merekesinen keıin jaǵyldy. Bas shyrsha respýblıka saraıy aldyndaǵy Abaı alańynda ornatyldy, dep habarlaıdy Kazinform.
Jańa jyldyń basty sımvolynyń bıiktigi - 20 metr. Bas shyrshany jaǵý rásiminde Roza Rymbaeva, Mádına Sádýaqasova, Álı Oqapov, Mádı Rymbaev, «Jigitter», «Keshıý», «Rıng», «Shamıs» jáne taǵy basqa estrada juldyzdary óner kórsetti.
Mereke oraı, megapolıste túrli fleshmobtar, baıqaýlar, qoıylymdar men Aıaz atalar sherýi ótedi. Búgin qalanyń ózge aýdandaryndaǵy shyrshalar da jaǵyldy.
Odan bólek, jańa jyldyq shyrshalar Tuńǵysh Prezıdent Saıabaǵy, «Almaty Arena» stadıony, Abaı atyndaǵy Qazaq memlekettik akademııalyq opera jáne balet teatry, Sats atyndaǵy orys memlekettik akademııalyq balalar teatry, Naýryzbaı aýdany ákimdigi, Ortalyq stadıon, «Astana» alańy mańyna ornatyldy.
31 jeltoqsanda «Astana» alańynda qazaqstandyq estrada juldyzdarynyń qatysýymen kontsert ótedi, onyń sońy merekelik otshashýǵa ulaspaq.
Buǵan deıin Almatyny jańajyldyq bezendirýge jarty mlrd teńge jumsalatyny týraly jazǵan edik.
