Almatyda barlyq bank úshin biryńǵaı QR kod júıesi tanystyryldy
ALMATY. KAZINFORM – Almatyda Qazaqstan qarjygerleriniń kongresinde bankaralyq QR boıynsha pılottyq joba tanystyryldy.
Qazaqstan Ulttyq banki men Ulttyq tólem korporatsııasy bankaralyq QR tólemderin engizý boıynsha pılottyq jobany iske qosty.
Bankaralyq QR tólem qyzmeti azamattarǵa QR tólemderin jyldam jáne yńǵaıly júrgizýge múmkindik beretin Ulttyq tsıfrlyq qarjylyq ınfraqurylymnyń quramdas bólikteriniń biri.
Atap aıtqanda, bankaralyq QR tólemderin engizý kásipkerlik sýbektilerine ártúrli bankterdiń birneshe termınaldaryn ornatý qunyn tómendetýge, al azamattarǵa QR-kod arqyly eldegi kez kelgen banktiń termınaly arqyly tólem jasaýǵa múmkindik beredi.
Óz kezeginde bankter NDFI ınfraqurylymyna qatysý aıasynda bankaralyq tranzaktsııalardy óńdeý qunyn tómendetý jáne klıentterge tólem qyzmetterin keńeıtý esebinen shyǵyndardy ońtaılandyrýǵa múmkindik alady.
Qazirgi ýaqytta bankaralyq QR tólem júıesiniń fýnktsıonaldyǵy qamtamasyz etilip, qatysýshy bankterdi kezeń-kezeńimen qosý jumystary júrgizilip jatyr.
Jobany masshtabtaý 2025 jylǵa josparlanǵan.
