Almatyda baraholkaǵa aparatyn joldy «Sergek» kameralary baqylaıtyn bolady

ALMATY. KAZINFORM – Almatyda baraholka jolyna naýryzdyń aıaǵyna deıin «Sergek» beınebaqylaý kameralary ornatylady. Erbolat Dosaev Alataý aýdanynyń turǵyndarymen kezdesý barysynda osyndaı tapsyrma berdi.

Aýdan turǵyndary shahar basshysynan Soltústik aınalma jolyn retke keltirýdi jáne retsiz kólik turaǵyna tyıym salýdy surady. Olardyń aıtýynsha, bul aýmaqtaǵy jol qozǵalysy erejesin taksı júrgizýshileri elemeıdi.

«Bıyl Alataý aýdanynda barlyǵy 37 «Sergek» kamerasyn ornatý josparlanǵan. Sonyń birin naýryz aıynyń sońyna deıin Soltústik aınalma jolyna ornatýdy tapsyramyn», - dedi Erbolat Dosaev.

2024 jyly Almatyda barlyǵy 10 myńǵa jýyq beınebaqylaý kamerasyn ornatý josparda.