Almatyda bank ǵımaratyna kirip, aqsha urlamaq bolǵan adam ustaldy
ALMATY. KAZINFORM - Kúdikti bank ǵımaratynda tereze arqyly kirgen.
Almaty polıtsııasynyń málimetinshe, oqıǵa túnde bolǵan. 32 jastaǵy er adam ǵımaratqa tereze arqyly kirip, odan keıin kassaǵa kirmek bolǵan, alaıdy brondalǵan shynydan óte almaǵan. Bul árekettiń beker ekenin túsingen qaskóı oqıǵa ornynan ketip qalǵan.
Krımınaldyq polıtsııa basqarmasy Jetisý aýdandyq polıtsııasymen birlesip júrgizgen jedel-izdestirý is-sharalarynyń nátıjesinde kúdikti ustaldy.
- Biz jańa tehnologııalar men tsıfrlyq múmkindikterdi belsendi túrde qoldanamyz. Kúdikti óz kinásin moıyndady. Atalǵan derek boıynsha qylmystyq is qozǵaldy, - dedi Krımınaldyq polıtsııa basqarmasynyń bastyǵy Talant Isaev.
Eske salaıyq, buǵan deıin Atyraýda 2 jasóspirimge qasaqana dene jaraqatyn salǵan kúdiktiler ustaldy.