Almatyda balany zorlaý áreketi boıynsha qylmystyq is qozǵaldy

Almatyda halyqaralyq mekteptiń oqýshysy zorlandy, ol týraly anasy málim etti. Qazir atalǵan fakti boıynsha qylmystyq is qaralyp jatyr, dep habarlaıdy QazAqparat Balalardyń quqyǵyn qorǵaý komıtetiniń baspasóz qyzmetine silteme jasap.

«Atalǵan fakti boıynsha qylmystyq is qozǵaldy. Oqıǵa komıtet pen quqyq qorǵaý organdarynyń baqylaýynda. Balalardyń quqyǵyn qorǵaý komıtetiniń tóraǵasy zardap shekken balanyń anasymen jáne halyqaralyq mekteptiń basshylyǵymen baılanysta»,-delingen habarlamada.

Aqparatta aıtylǵandaı, balanyń otbasyna kómek usynyldy.

«Komıtet BAQ betterinde jarııalanǵan ár aqparatqa barynsha jaýapkershilikpen qaraýdy suraıdy. Sebebi, bizge bala týraly derekterdiń qupııalylyǵyn saqtaý jáne ony qoǵamda taratpaý mańyzdy. Osylaısha qıyn jaǵdaıǵa tap bolǵan bala men otbasynyń tynyshtyǵyn qamtamasyz ete alamyz», - dedi komıtetten.

Buǵan deıin Almaty turǵynynyń 1-synyptaǵy balasynyń zorlanǵanyn málimdegeni týraly habarlaǵan edik.