Almatyda balalarǵa qoıylatyn eń tanymal esimder belgili boldy

ALMATY. KAZINFORM – Jyl basynan beri Almaty qalasynda 16 501 bala dúnıege kelgen.

«Azamattarǵa arnalǵan úkimet» memlekettik korporatsııasynyń Almaty qalasy boıynsha fılıaly jańa týǵan nárestelerge qoıylatyn eń tanymal esimderdi usyndy.

Qyzdarǵa qoıylatyn esimderdiń úshtigi:

- Safııa;
- Marııam;
- Adııa.

Al uldarǵa eń kóp qoıylatyn esimder:

- Muhammed;
- Alan;
- Ámir.

Odan bólek, jańa týǵan nárestelerdiń arasynda Álıhan, Ámir, Aısultan, Hamza, Aılın, Asylym, Medına, Aıala syndy esimder jıi qoıylady.

Sondaı-aq Almaty qalasynda dúnıege kelgen balalardyń ishinde Teona, Naomı, Aıvı, Ellaıa, Aı-Ashın syndy erekshe esimder de bar.

Almaty qalasy AHAT basqarmasynyń basshysy Baıan Abdýllanovanyń aıtýynsha, jyl basynan beri qalada 16 501 bala dúnıege kelgen. Onyń 8500-i ul bala jáne 7974-i qyz bala. 

Eske salaıyq, byltyr sábılerge qoıylǵan eń tanymal esimder qandaı ekenin jazǵanbyz.