Almatyda balalarǵa arnalǵan tegin úıirmelerge jazylý júrip jatyr

ALMATY. KAZINFORM — Almatyda balalardy shyǵarmashylyq jáne sporttyq úıirmelerge tirkeý bastaldy, dep habarlaıdy DamuBala portaly.

Memlekettik shyǵarmashylyq jáne sporttyq tapsyrys baǵdarlamasy sheńberinde balalardy tegin shyǵarmashylyq úıirmeler men sport sektsııalaryna qatysýy úshin kezekke jazylýǵa ótinishter qabyldanady.

Júıege júktemeni azaıtý úshin jazba Almaty qalasynyń aýdandary boıynsha kelesi keste boıynsha ashylady:

2025 jylǵy 30 Qyrkúıek, 11:00 — Áýezov aýdany;
2025 jylǵy 30 Qyrkúıek, 18:00 — Medeý aýdany;
2025 jylǵy 1 qazan, 11:00 — Jetisý aýdany;
2025 jylǵy 1 qazan, 15:00 — Alataý aýdany;
2025 jylǵy 2 qazan 15:00 — Túrksib aýdany.

Oryndar sany shekteýli jáne tek bólingen bıýdjet sheginde aıqyndalady. 

— Ata-analardan jazba erejelerimen muqııat tanysyp, júıeni óz betinshe paıdalanýdy suraımyz. Óziniń elektrondyq tsıfrlyq qoltańbasyn (ETsQ) jáne jeke kabınetke kirýdi úshinshi tulǵalarǵa berýge úzildi-kesildi tyıym salynady. Osy erejeni buzǵany úshin Qazaqstan Respýblıkasynyń qoldanystaǵy zańnamasyna sáıkes jaýapkershilik kózdelgen. Rásimniń ashyqtyǵy men zańdylyǵyn qamtamasyz etý úshin polıtsııa departamentimen birlesip buzýshylyqtar men teris qylyqtardyń aldyn alý boıynsha sharalar qabyldanyp jatyr, — delingen habarlamada.

Aıta keteıik, qalanyń qalǵan aýdandary boıynsha kezekke jazylý merzimi men tártibi týraly aqparat qosymsha habarlanatyn bolady.

Buǵan deıin estý qabileti buzylǵan balalarǵa arnalǵan sport sektsııalarynyń sany kóbeıetini anyqtaldy.