Almatyda Balalardyń quqyǵyn qorǵaý basqarmasyna jańa basshy taǵaıyndaldy
ALMATY. KAZINFORM — Almaty qalasy ákiminiń ókimimen Janat Aıtbaeva qalalyq Balalardyń quqyǵyn qorǵaý basqarmasynyń basshysy bolyp taǵaıyndaldy.
Qala ákimdiginiń málimetinshe, Janat Aıtbaeva 1968 jyly 23 aqpanda Shyǵys Qazaqstan oblysynda dúnıege kelgen. Joǵary pedagogıkalyq jáne ekonomıkalyq bilimi bar. Pedagogıka ǵylymdarynyń kandıdaty, ekonomıka jáne bıznes magıstri.
Bilim berý jáne memlekettik basqarý salasyndaǵy jalpy eńbek ótili 35 jyldan asady. Eńbek jolyn muǵalim bolyp bastap, ár jyldary bilim berý uıymdary men memlekettik organdarda basshylyq qyzmetter atqarǵan.
Shyǵys Qazaqstan óńirlik «Daryn» ǵylymı-tájirıbelik ortalyǵyn, Óskemen qalalyq bilim bólimin basqarǵan. Sondaı-aq, Astana IT University prorektory, «Almaty daryny» KMQK dırektory jáne Almaty qalasy Bilim basqarmasy basshysynyń orynbasary qyzmetterin atqarǵan.
2025 jyly qyrkúıekten beri Almaty qalasy ákimdigi apparatynyń ıdeologııalyq jumys bóliminiń bas ınspektory, kámeletke tolmaǵandardyń isteri jáne olardyń quqyǵyn qorǵaý jónindegi komıssııanyń hatshysy qyzmetinde boldy. Bilim berýdi basqarý jáne pedagogıkalyq kóshbasshylyq máselesine arnalǵan oqýlyqtar, oqý quraldary men ǵylymı monografııalardyń avtory ári teń avtory.
Eske salaıyq, buǵan deıin Almatynyń bilim basqarmasyna jańa basshy taǵaıyndaldy.
