Almatyda Balalardy qorǵaý kúnine oraı tegin medıtsınalyq tekserýden ótýge bolady
ALMATY. KAZINFORM – Halyqaralyq balalardy qorǵaý kúnine oraı Almatydaǵy barlyq medıtsınalyq mekemede balalar men jasóspirimderdiń densaýlyǵyn nyǵaıtýǵa, salaýatty ómir saltyn nasıhattaýǵa jáne túrli aýrýlardyń aldyn alýǵa arnalǵan ashyq esik kúnderi ótedi.
Qoǵamdyq densaýlyq saqtaý basqarmasynyń málimetinshe, búldirshinder men olardyń ata-analaryna pedıatr, stomatolog, travmatolog, ınfektsıonıst, nevropatolog, LOR dárigeri, akýsher-gınekolog jáne ózge de salalyq mamandar tegin keńes beredi.
- Sonymen qatar qaladaǵy medıtsınalyq uıymdarda profılaktıkalyq jáne aqparattyq-túsindirý sharalary, ata-analar men jasóspirimderge arnalǵan pikir almasý alańdary, sýret baıqaýlary men mádenı-kópshilik baǵdarlamalar uıymdastyrylady. Bul bastamaǵa salaýatty ómir saltyn qalyptastyrý ortalyqtary men Jastar densaýlyq ortalyqtary da atsalysady, - dep habarlady basqarmadan.
Vedomstvo ókilderi erekshe qajettiligi bar balalar men dıspanserlik esepte turǵan balalarǵa erekshe kóńil bólinetinin atap ótti. Olar úshin kómektiń qoljetimdiligi keńeıtilip, erekshe qajettiligi bar balalarǵa úı jaǵdaıynda kóshpeli medıtsınalyq tekserýler júrgiziledi.
Ashyq esik kúnderiniń tolyq baǵdarlamasymen turǵyndar Almatydaǵy medıtsınalyq uıymdardyń resmı saıttary men áleýmettik jelidegi paraqshalarynan, sondaı-aq emdeýshi dárigerlerinen bile alady.
Eske salaıyq, buǵan deıin Balalardyń jazǵy demalysyn jaqsy uıymdastyrǵan óńirler ataldy.
