Almatyda balalar festıvaline baılanysty Tóle bı kóshesi ýaqytsha jabylady
ALMATY. KAZINFORM — Almatyda Tóle bı kóshesiniń bir bóliginde kólik qozǵalysy ýaqytsha shekteledi.
Qala ákimdiginiń málimetinshe, 1 maýsym Halyqaralyq balalardy qorǵaý kúnine oraı ótetin «Bala Fest–2026» festıvaline baılanysty saǵat 08:00–den 17:00–ge deıin Tóle bı kóshesiniń Nazarbaev dańǵyly men Abylaı han dańǵyly aralyǵyndaǵy bóliginde kólik qozǵalysy ýaqytsha shekteledi.
— Júrý baǵytyńyzdy aldyn ala josparlaýyńyzdy suraımyz. Ýaqytsha qolaısyzdyqtar úshin keshirim ótinemiz, — dep habarlady ákimdikten.
Eske salaıyq, Tóle bı kóshesiniń boıynda ornalasqan Álııa Moldaǵulova men Mánshúk Mámetova atyndaǵy saıabaqta 1 maýsym kúni saǵat 12:00–16:00 aralyǵynda «BALAFEST — 2026» festıvali ótedi.
Odan bólek megapolıstiń ár aýdanynda Halyqaralyq balalardy qorǵaý kúnine arnalǵan merekelik is-sharalar uıymdastyrylady.
