Almatyda baǵdarshamnyń qyzyl belgisine ótip ketken avtobýs jeńil kólikpen soqtyǵysty
ALMATY. KAZINFORM – Almatyda úlken jyldamdyqpen júrip kele jatqan avtobýs jeńil kólikpen soqtyǵysty. Oqıǵanyń beınejazbasy áleýmettik jelilerde tarady.
Almaty qalasynyń Polıtsııa departamenti jol-kólik oqıǵasynyń saldarynan jeńil kóliktegi jolaýshy zardap shekkenin habarlady.
- Jol-kólik oqıǵasy keshe tańerteń Almatynyń Túrksib aýdanynda bolǵan. Jumabaev pen Kassına kósheleriniń qıylysynda baǵdarshamnyń tyıym salynatyn belgisine shyqqan qoǵamdyq kólik pen «Mıtsýbısı» markaly jol talǵamaıtyn kólik soqtyǵysty. Soqtyǵys saldarynan jol talǵamaıtyn kóliktegi jolaýshy zardap shekti. Ol aýrýhanaǵa jatqyzyldy. Túrksib aýdandyq polıtsııa basqarmasynyń qyzmetkerleri jol apatynyń mán-jaıyn anyqtaýǵa kiristi, - dep habarlady Almaty qalalyq polıtsııa departamentiniń baspasóz qyzmeti.
Eske salaıyq, 15 tamyz kúni Almatyda troleıbýs aıaldamaǵa soǵylyp, bir adam zardap shekti.
Sondaı-aq buǵan deıin Almatyda avtobýs apaty nege jıilegenin jazǵanbyz.
