Almatyda baǵdarshamdardyń 90%-y jumys istep tur - ákimdik
ALMATY. KAZINFORM – Elektrmen jabdyqtaý qalpyna keltirilgennen keıin Almatydaǵy baǵdarshamdardyń 90%-y qalypty rejımde jumys istep tur.
Almaty ákimdiginiń málimetinshe, qalada elektrmen jabdyqtaý qalpyna keltirilgennen keıin baǵdarsham nysandaryn kezeń-kezeńimen qaıta iske qosý jumystary júrgizilip jatyr.
- Qazirgi ýaqytta baǵdarshamdardyń shamamen 90%-y elektrmen jabdyqtaý jelisine qosylyp, qalypty rejımde jumys istep tur. Qalǵan nysandarda tehnıkalyq qyzmet mamandary jabdyqtardy tekserip, júıelerdi qaıta iske qosyp jatyr. Tehnıkalyq aqaý anyqtalǵan jaǵdaıda mamandar qajetti qalpyna keltirý jumystaryn jedel júrgizedi, - dep habarlady ákimdikten.
Jumystar qaladaǵy barlyq baǵdarsham nysanynyń qalypty jumysy tolyq qalpyna keltirilgenge deıin jalǵasady.
Eske salaıyq, Eske salaıyq, búgin Almaty men Almaty oblysynyń basym bóliginde jaryq óshti.
Almatyda jaryq óshýine baılanysty 9 baldyq keptelis paıda boldy.
Almatyda jaryq óshkennen keıin sý berý toqtady.
Sonyń saldarynan Almatynyń barlyq qyzmetteri kúsheıtilgen rejımde jumys istep jatyr.
