Almatyda áıeldiń basyn kesip alǵan er adamǵa sot úkimi ózgerissiz qaldy

Almatyda bıyl kóktemde áıeldiń basyn kesip alǵan er adamǵa qatysty qylmystyq is apellıatsııalyq tártipte qaraldy, dep habarlaıdy Kazinform.

Buǵan deıin alqabıler men sot úkimine sáıkes I. asqan qatygezdikpen qasaqana kisi óltirgeni úshin kináli dep tanylyp, oǵan 20 jyl bas bostandyǵynan aıyrý jazasy taǵaıyndalǵan bolatyn. Endi sotttalýshydan sot úkimine qatysty appelıatsııalyq shaǵym tústi. 

«Sottalýshy I. otbasylyq jáne ómirlik qıyn jaǵdaıda, onymen ary qaraı qarym-qatynasta bolǵysy kelmeıtin azamattyq jubaıyna materıaldyq táýeldi bola otyryp, adamdy óltirýge sheshim qabyldaǵan. I. qasaqana kisi óltirýdi aldyn-ala josparlap, jábirlenýshi A.-ny naýbaıhanaǵa jumysqa ornalastyramyn degen syltaýmen onymen kezdesýdi belgileıdi. Osydan keıin pyshaqpen áıeldiń moınyn jaraqattaǵan soń, áıel qaıtys bolady, keıinirek onyń basyn kesip alady. Osydan soń sottalýshy birge turatyn áıelge áser etý úshin jábirlenýshiniń basyn dúkenderdiń birine aparý týraly sheshim qabyldaǵan», - dep habarlady Almaty qalalyq sotynyń baspasóz qyzmeti.

Almaty qalalyq sotynyń qylmystyq ister jónindegi sot alqasy taraptardyń dálelderi men is boıynsha dáleldemelerdi zerdelep, birinshi satydaǵy úkimdi ózgerissiz, apellıatsııalyq shaǵymdardy qanaǵattandyrýsyz qaldyrý týraly qorytyndyǵa keldi.