Almatyda áıelderdi quldyqqa satpaq bolǵan qylmystyń joly kesildi

ASTANA. KAZINFORM — Almaty qalasy prokýratýrasynyń, UQK qala boıynsha Departamentiniń úılestirýimen, sondaı-aq Interpoldyń jáne Qazaqstan Respýblıkasynyń Oman Sultandyǵyndaǵy Elshiliginiń járdemdesýimen, Qazaqstan Respýblıkasynyń azamatshasyn shetelge eńbekke paıdalaný úshin zańsyz tartý jáne áketý áreketiniń joly kesildi. Bul týraly Almaty qalasy prokýratýrasy málim etti.

— Zardap shegýshiniń uzaq ýaqyt boıy «Hanıfa» atty shetel azamatymen baılanysta bolǵandyǵy anyqtaldy, ol oǵan jumysqa ornalasý úshin Taıaý Shyǵys elderiniń birine kóshýdi birneshe ret usyna otyryp, tıimdi jumys jaǵdaılaryn ýáde etken, — delingen habarlamada.

Áıel jaqyndaryn habardar etpesten, óz betinshe shetelge ushyp ketken.

Oman Sultandyǵynyń halyqaralyq áýejaıyna kelgennen keıin, ol jedel is-sharalarynyń nátıjesinde ustalyp, sol kúni Otanyna qaıtaryldy.

— Almaty qalasynyń prokýratýrasy shetelderde jumysqa ornalasý týraly usynystardy alǵan kezde azamattar alaıaqtarmen adam satýshylardyń qurbany bolmas úshin qyraǵylyq tanytýlary jáne aqparattyń durystyǵyn tekserýleri kerektigin eskertedi, — dep eskertti prokýratýradan. 

Buǵan deıin habarlanǵandaı, Qyzylordada 20 jyl quldyqta bolǵan otbasyǵa kómek kórsetilgen edi.