Almatyda áıel toǵyzynshy qabattan qulap ketti
ALMATY. KAZINFORM – Almatynyń Almaly aýdanynda qaıǵyly jaǵdaı boldy. Polıtsııa 40 jastaǵy áıeldiń qaza bolý mán-jaıyn anyqtap jatyr.
Aldyn ala málimet boıynsha, áıel ózi turyp jatqan kópqabatty úıdiń toǵyzynshy qabatynan qulaǵan.
Jedel-tergeý toby páterdi tekserý barysynda tergeý úshin mańyzy bar materıaldar men mán-jaılardy, onyń ishinde mazmuny zerdelenetin jazbany anyqtady.
Almaty qalasy Polıtsııa departamentiniń málimetinshe qazirgi ýaqytta tergeý is-sharalary júrgizilip jatyr. Polıtsııa qyzmetkerleri bolǵan oqıǵanyń tolyq mán-jaıyn anyqtap, yqtımal sebepterin, marqumnyń ómir saltyn, qarym-qatynas ortasyn jáne qaıǵyly jaǵdaıǵa deıin bolǵan ózge de mán-jaılardy zerdelep jatyr.
Tekserý qorytyndysy boıynsha protsestik sheshim qabyldanady.
Aıta ketelik Almatyda 21 jastaǵy jigit kópqabatty úıdiń balkonynan qulap qaza tapqan edi.
