Almatyda áıel kóp qabatty úıdiń terezesinen qulap, qaıtys boldy

ALMATY. KAZINFORM – Áleýmettik jelilerde Almatydaǵy kóp qabatty úıdiń terezesinen áıeldiń qulap ketkeni habarlandy.

Jelide taraǵan beınejazbada áıeldiń turǵyn úıdiń terezesine shyǵyp, oqys qylyqtar jasaǵanyn kórýge bolady. Atalǵan jaǵdaıǵa baılanysty Polıtsııa departamenti túsinikteme berip, oqıǵa «Teremkı» turǵyn úı kesheninde bolǵanyn rastady.

«Óz-ózine qol jumsaý deregi boıynsha qylmystyq is qozǵaldy. Sebep-saldary men mán-jaıy anyqtalyp jatyr», - dep habarlady PD baspasóz qyzmetinen.

Almaty qalasynyń Densaýlyq saqtaý basqarmasy kelinshek jedel járdem kelgenge deıin qaıtys bolyp ketkenin málimdedi.

Eske salaıyq, buǵan deıin Almatyda áıel saıabaqtaǵy attraktsıonnan sekirip, sýıtsıd jasaǵanyn jazǵan edik. 

Jas kelinshek óz-ózine qol jumsamas buryn kishkentaı qyzyn óltirgeni anyqtaldy. 

Saıabaqtaǵy attraktsıonnan qulaǵan áıelge qatysty prokýrorlar is qozǵady.