Almatyda aıaldamadaǵy apattan zardap shekkenderdiń jaǵdaıy belgili boldy

Almatylyq dárigerler búgin aıaldamada bolǵan apattan zardap shekken adamdardyń jaǵdaıyn aıtty, dep habarlaıdy QazAqparat tilshisi.

"Apat saldarynan 7 adam zardap shekti. Jedel medıtsınalyq qyzmet kelgenshe úsheýi qaıtys boldy.

Úsh eresek adamǵa jabyq bas súıek-mı jaraqaty, mı shaıqalýy, bireýine sol jaq jambas súıeginiń synyǵy dıagnozy qoıylyp №7 qalalyq klınıkalyq aýrýhanaǵa jatqyzyldy. Tórtinshi zardap shekken 15 jastaǵy bala sol taban súıekteriniń synýy dıagnozymen №2 qalalyq balalar klınıkalyq aýrýhanasyna jatqyzyldy. Avtobýsty júrgizgen áıeldiń jabyq bassúıek-mı jaraqaty, mı shaıqalýy dıagnozy qoıyldy. Zardap shekkenderge psıhologııalyq kómek pen barlyq qajetti medıtsınalyq kómek tolyq kólemde kórsetilip jatyr", - dep habarlady Almaty qalalyq qoǵamdyq densaýlyq saqtaý basqarmasynda.

Eske salaıyq, búgin Almatyda avtobýs bir top adamdy qaǵyp ketti. Polıtsııanyń málimetinshe, búgin keshki saǵat 18:15 mınýtta №47-shi baǵyttaǵy qoǵamdyq kóliktiń ishindegi jolaýshy janjal shyǵaryp, júrgizýshi áıeldi urǵan. Saldarynan ol esinen tanyp, kólikti basqara almaı qalǵan.