Almatyda aıaqtalmaǵan qurylys nysany buzyldy

ALMATY. KAZINFORM – Almatynyń Qala qurylysyn baqylaý basqarmasy Baıtursynov kóshesi, 50 mekenjaıynda ornalasqan nysan buzylǵanyn habarlady.

Vedomstvonyń málimetinshe, túsindirý jumystarynyń nátıjesinde nysan ıesi qurylysty óz erkimen buzý týraly sheshim qabyldaǵan. Jumystar belgilengen tártipke sáıkes tolyq kólemde oryndaldy. 

– Qurylys jáne qaıta jańǵyrtý jumystaryn júrgizý barysynda belgilengen talaptardy qatań saqtaýdy, sondaı-aq tıisti qujattardy ýaqytyly rásimdeýdiń mańyzdylyǵyn eske salamyz, - dep habarlady Qala qurylysyn baqylaý basqarmasy. 

Eske salaıyq, buǵan deıin Almatyda Nııazbekov kóshesi, 30/1 mekenjaıynda ornalasqan ǵımarat sot sheshimimen buzyldy.