Almatyda aıaqqa massaj jasaıtyn apparat satatyn kompanııaǵa aıyppul salyndy

ASTANA. KAZINFORM – Tehnıkalyq retteý jáne metrologııa komıtetiniń Almaty qalasy boıynsha departamenti jeke tulǵanyń ótinishi negizinde «Lux Kazakhstan Group» JShS qatysty LUX Maxima aıaqqa arnalǵan massaj apparatynyń sáıkestik sertıfıkattary men tutynýshyǵa arnalǵan aqparattarsyz satý faktisi boıynsha jospardan tys tekseris júrgizdi.

Маңғыстауда Түпқараған және Қарақия аудандары әкімдіктерінің лауазымды тұлғаларына айыппұл салынды
Фото: Мухтор Холдорбеков/Kazinform

Derekke qaraǵanda, LUX Maxima aıaqqa arnalǵan massaj apparaty jónindegi Odaqtyń tehnıkalyq reglamentteri adam ómiri men densaýlyǵyn, múlikti qorǵaýdy qamtamasyz etý, sondaı-aq tutynýshylardy (paıdalanýshylardy) onyń maqsaty men qaýipsizdigine qatysty jańylystyratyn áreketterdiń aldyn alý talaptaryna sáıkes kelýi tıis.

- Jospardan tys tekseris júrgizý barysynda LUX Maxima aıaqqa arnalǵan massaj apparatynda sáıkestikti baǵalaý týraly qujattar, sondaı-aq memlekettik jáne resmı tilde tutynýshyǵa arnalǵan aqparattyń bolmaǵany anyqtaldy, bul «Tehnıkalyq retteý týraly» Zańnyń 35-babyn buzý bolyp tabylady.

Zań talaptaryn buzǵany úshin «Lux Kazakhstan Group» JShS QR ÁQBtK-niń 415-baby boıynsha ákimshilik jaýapkershilikke tartylyp, 383 370 teńge kóleminde ákimshilik aıyppul salyndy, - dep jazylǵan akqparatta.

Azamattardyń ómirine, densaýlyǵyna, múlkine jáne qorshaǵan ortaǵa qaýipti ónimderdi ótkizbeý maqsatynda, Kásipkerlik kodeksine sáıkes anyqtalǵan zań buzýshylyqtardy joıý týraly uıǵarym shyǵarylǵan. Sonymen qatar ónimdi aınalysqa shyǵarýǵa tyıym salý týraly jedel den qoıý sharasy qoldanyldy.

Sondaı-aq, shara barysynda departament qyzmetkerleri Keden odaǵynyń tehnıkalyq reglamentterin jáne «Tehnıkalyq retteý týraly» Zańnyń talaptaryn saqtaý boıynsha túsindirý jumystaryn júrgizdi.

Aıta keteıik, Atyraýda zańsyz qumar oıynǵa aqsha qabyldaǵan kassırge 738 myń aıyppul salyndy.

Сейчас читают