Almatyda avtojýý qyzmetkeri mas kúıinde klıenttiń kóligin soqty
ALMATY. KAZINFORM — Almatyda mas kúıdegi avtojýý qyzmetkeri klıenttiń kóligin urlap minip, jol apatyna tústi.
Oqıǵa ornynda túsirilgen vıdeolar áleýmettik jelide tarady.
Almaty polıtsııa departamentiniń baspasóz qyzmeti Kazinform tilshisine oqıǵa 16 tamyz kúni saǵat 23:30 shamasynda Medeý aýdanynda bolǵanyn habarlady.
35 jastaǵy er adam mas kúıinde Polevaıa kóshesinde ornalasqan jekemenshik úılerdiń biriniń qorshaýyna soǵylǵan.
— Tekserý barysynda onyń kólik quralyn urlap ketkendigi belgili boldy. Atalǵan derek boıynsha Medeý aýdandyq polıtsııa basqarmasy qylmystyq is qozǵady. Kúdikti ustaldy, — delingen habarlamada.
Kólik arnaıy aıyppul turaǵyna qoıyldy.
Eske salaıyq, buǵan deıin Pavlodarda jol apatynan eki júrgizýshi qaza tapqanyn jáne taǵy bir jolaýshy aýrýhanaǵa jetkizilgenin habarlaǵan edik.