Almatyda avtoturaq baǵasy qalaı ózgeredi

ALMATY. KAZINFORM - Almatyda bıyl avtoturaq baǵasy qymbattaıdy.

Bul týraly Almaty ákimi Erbolat Dosaev qala turǵyndarymen kezdesýinde aıtqan bolatyn. 

- Bıyl jazǵy ýaqyttan bastap avtoturaqtardyń baǵasy aıtarlyqtaı kóteriledi. Bul barlyq iri qalalar sekildi kólikterdi shekteý úshin qajet. Odan bólek qalany aýany lastaıtyn shyǵyndylar az bolýy tıis aımaqtarǵa bólemiz, - dedi shahar basshysy.

Osy oraıda, Kazinform agenttigi qalalyq mobıldilik basqarmasyna qarasty «Almaty parkıng» mekemesine turaq baǵasy qanshalyqty qymbattaıtynyn surap, saýal joldady.

- Qazir qaladaǵy ártúrli aýdandarda turaq qunyn ózgertý máselesin qosa alǵanda, turaq oryndaryn uıymdastyrý máselesi pysyqtaý satysynda. Bul sharalar keshendi jumysty qajet etedi, - delingen mekeme jaýabynda.

Sondaı-aq «Almaty parkıng» qabyldanǵan sheshim týraly qosymsha aqparat jarııalanatynyn habarlady.

Eske salaıyq, buǵan deıin Almatyda avtoturaq kóbeıse, keptelis máselesi qanshalyqty sheshiletinin sarapshylar aıtqan bolatyn. 

Oǵan qosa Almatyda eki kópqabatty avtoturaqtyń jobasy ázirlenip jatqanyn jazǵanbyz.