Almatyda avtobýstyń terezesin syndyrǵan kúdikti ustaldy
ALMATY. KAZINFORM — Almaty oblysynda jol ústinde janjal shyǵarǵandar ustaldy.
Áleýmettik jelide taraǵan beınejazbadan qala men oblys arasynda qatynaıtyn № 239 avtobýs júrgizýshisimen er adamnyń eregisip, qoǵamdyq kólik terezesin syndyrǵanyn kórýge bolady.
Almaty oblysy polıtsııa departamentiniń málimetinshe, 15 qańtarda bolǵan buzaqylyq deregi boıynsha sotqa deıingi tergep-tekserý bastaldy.
— Belgisiz er adam avtobýstyń áınegin qasaqana syndyrǵany anyqtaldy. Jedel-izdestirý sharalary barysynda polıtsııa qyzmetkerleri úsh kúdiktini ustady. Qazirgi ýaqytta negizgi kúdikti ýaqytsha ustaý ızolıatoryna qamaldy. Іs boıynsha bolǵan oqıǵanyń barlyq mán-jaılaryn tolyq jáne obektıvti zertteýge baǵyttalǵan qajetti tergeý áreketteri júrgizilip jatyr, — dep habarlady departamentten.
Eske salaıyq, Almaty oblysynda jol apatynan bir adam qaza taýyp, taǵy beseýi zardap shekti.