Almatyda avtobýstyń birneshe adamdy qaǵyp ketken vıdeosy paıda boldy

Polıtseıler Almatyda avtobýstyń adamdardy qaǵyp ketken sátiniń vıdeosyn jarııalady, dep habarlaıdy Kazinform.

Beınebaqylaý kamerasyna túsip qalǵan kadrdan adamdardyń jol boıynda turǵanyn jáne avtobýstyń bar jyldamdyqpen jeńil kólikke soǵylyp, adamdardy qaǵyp ketkenin kórýge bolady. 

«22 jeltoqsanda saǵat 18:15-te № 47-baǵyttaǵy qoǵamdyq kóliktiń (jeke tasymaldaýshy – «DýmanTransKom» JShS) ishinde jolaýshysy janjal shyǵaryp, júrgizýshi áıeldi urǵan, saldarynan ol esinen tanyp, kólikti basqara almaı qaldy. Baqylaýdan shyǵyp ketken qoǵamdyq kólik aıaldamada turǵan adamdardy qaǵyp, tórt kólikpen soqtyǵysty»,- dep habarlady Almaty qalalyq PD baspasóz qyzmeti.

Apat saldarynan 7 adam zardap shekti, taǵy úsh adam jedel járdem kelgenshe oqıǵa ornynda jan tapsyrdy. 

Avtobýs júrgizýshisine qol kótergen jolaýshyǵa qatysty qylmystyq is qozǵaldy.