Almatyda avtobýstar áýejaı aýmaǵyna kiretin bolady
ALMATY. KAZINFORM - Almaty qalasynyń ákimi Erbolat Dosaev Túrksib aýdanynyń turǵyndarymen kezdesti.
Aýdan turǵyny qoǵamdyq kólikterdiń áýejaı aýmaǵyna kirmeı, jolaýshylardy áýe aılaǵynyń syrtynda qaldyryp ketetinine shaǵymdandy. Erbolat Dosaev áýejaı avtoturaǵyndaǵy jóndeý jumystary aıaqtalǵannan keıin bul suraq sheshiletinin aıtty.
- Onda ishki termınal aldynda jańa turaq alańdary salynyp jatyr, jumystar keminde kúzge deıin júredi. Ol aıaqtalǵan soń, №92 baǵyttaǵy avtobýs áýejaıdyń ishine kirip, jolaýshylardy sonda qaldyratyn bolady, - dedi qala ákimi.
Eske salaıyq, buǵan deıin 1 sáýirden bastap Almaty áýejaıynyń ishki reıster termınalynda syrtqy sýmen jabdyqtaý jáne órt sóndirý jelilerin jańartý jumystary bastalǵanyn jazǵanbyz.
Qazirgi ýaqytta ishki termınal aldyndaǵy avtoturaq aýmaǵynda jer jumystary júrip jatyr. Bul osy alańdaǵy qozǵalysty ýaqytsha qıyndatady. Jumystar 2025 jyldyń 1 qyrkúıegine deıin josparlanyp otyr.