Almatyda avtobýs ishinde júrgizýshi áıeldi urǵan jolaýshynyń soty keıinge shegerildi
ALMATY. KAZINFORM – Almatyda № 47-shi baǵyttaǵy qoǵamdyq kóliktiń ishinde júrgizýshi áıeldi urǵan A.esimdi jolaýshynyń soty 26 naýryzǵa shegerildi.
A. esimdi jolaýshyǵa qatysty QR QK 293-baby (buzaqylyq) jáne QR QK 351-baby (eki jáne odan da kóp adamnyń ólimine ákep soqqan kóliktiń qaýipsiz jumysyn qamtamasyz etetin erejelerdi buzý) boıynsha qylmystyq isti Almaty qalasy Alataý aýdandyq soty keıinge qaldyrdy.
Eske salaıyq, ótken jyly jeltoqsan aıynda Almatyda № 47-shi baǵyttaǵy qoǵamdyq kóliktiń ishindegi jolaýshy janjal shyǵaryp, júrgizýshi áıeldi urǵan. Saldarynan áıel esinen tanyp, kólikti basqara almaı, aıaldamada turǵan bir top adamdy qaqqan.
Apat saldarynan 7 adam zardap shegip, 3 adam qaıtys boldy.
Qaza tapqan úsh adamnyń ekeýi erli-zaıypty ustazdar bolǵan. Olardyń artynda 4 balasy qaldy.
Avtobýs júrgizýshisi ustalyp, oǵan qatysty QR QK 293-baby (buzaqylyq) jáne QR QK 351-baby (eki jáne odan da kóp adamnyń ólimine ákep soqqan kóliktiń qaýipsiz jumysyn qamtamasyz etetin erejelerdi buzý) boıynsha qylmystyq is qozǵaldy.
Sondaı-aq onyń eki aıǵa qamaýǵa alynǵanyn habarlaǵanbyz.
