Almatyda avtobýsta pyshaqpen janjal shyǵarǵan er adam qamaldy
ALMATY. KAZINFORM — Almatyda 38 jastaǵy er adam jolaýshylar avtobýsynda janjal shyǵaryp, jolaýshylardy pyshaqpen qorqytqan.
Jetisý aýdandyq polıtsııa basqarmasyna avtobýstaǵy janjal týraly habarlama túsken. Oqıǵa ornyna patrýldik polıtsııa qyzmetkerleri jedel jetti.
Polıtsııa departamentiniń málimetinshe, er adam agressıvti áreketin jalǵastyryp, polıtsııa qyzmetkerleriniń zańdy talaptaryna baǵynbaǵan. Polıtseıler ony toqtatyp, qarýyn alyp, polıtsııa bólimshesine jetkizdi.
38 jastaǵy er adamǵa qatysty eki quqyq buzýshylyq boıynsha ákimshilik hattama toltyryldy. Іsti qaraý qorytyndysy boıynsha sot oǵan 12 táýlik ákimshilik qamaýǵa alý jazasyn taǵaıyndady.
Polıtsııa zańdy talaptardyń mindetti túrde oryndalýy tıis ekenin, al oǵan baǵynbaǵan jaǵdaıda zańnamada kózdelgen jaýapkershilik qarastyrylǵanyn eske saldy.
Eske salaıyq, Tarazda er adamdy pyshaqtap óltirgen kúdikti ustalǵan edi.
