15:02, 17 Qyrkúıek 2024 | GMT +6
Almatyda avtobýsqa qarýmen kirgen er adam ustaldy
ALMATY. KAZINFORM — Áleýmettik jelilerde Almatydaǵy № 106 avtobýsqa qolyna tapansha ustap mingen jolaýshynyń beınejazbasy tarady. Qalalyq polıtsııa departamenti vıdeodaǵy azamattyń ustalǵanyn habarlady.
Polıtsııa deparatmentinde áleýmettik jelidegi monıtorıngten soń jedel izdestirý jumystary júrgizilgenin habarlady.
— Jedel áreket etý barysynda oqıǵaǵa qatysy bar adamnyń jeke basy anyqtaldy. Ol ustalyp, polıtsııaǵa jetkizildi. Er adam kúzetshi bolyp jumys isteıtinin aıtyp, oıynshyq bolyp shyqqan qarýdy qala bazarlarynyń birinen satyp alǵanyn aıtty. Tergeý jalǵasyp jatyr. Kúdiktiniń áreketine quqyqtyq baǵa beriletin bolady, — dep habarlady PD baspasóz qyzmeti.
Eske salaıyq, Qańtar oqıǵasynda joǵalǵan qarý-jaraq Astana men Şýcheden tabyldy.
