Almatyda avtobýs júrgizýshisine pyshaqpen shabýyl jasaldy

ALMATY. KAZINFORM – Qalalyq Polıtsııa departamenti avtobýs júrgizýshisine pyshaqpen shabýyl jasaǵan kúdiktini tutqyndap, tergeý jumystaryn júrgizip jatyr.

Aldyn ala málimetterge sáıkes, jolaýshy men júrgizýshi arasynda janjal shyǵyp, nátıjesinde avtobýs júrgizýshisi jaralanǵan.

«Sýyq qarý qoldanylǵan buzaqylyq faktisi boıynsha qylmystyq is qozǵaldy. Kúdikti ustalyp, qamaýǵa alyndy. Aldyn ala málimet boıynsha, er adamdar arasynda aýyzsha janjal bolǵan, sodan keıin qatysýshylardyń biri pyshaq qoldanǵan. Qylmys quraly tárkilendi», - dep habarlaıdy Almaty qalasy Polıtsııa departamentiniń baspasóz qyzmetinen.