3 adamnyń ómirin qıǵan Almatydaǵy apat: avtobýs júrgizýshisin urǵan jolaýshy eki aıǵa qamaldy
Almatyda avtobýs júrgizýshisin urǵan jolaýshyǵa qatysty sot úkimi shyqty, dep habarlaıdy Kazinform.
Almaty qalasy mamandandyrylǵan aýdanaralyq tergeý sotynyń málimetinshe,
24 jeltoqsandaǵy sot qaýlysymen sotqa deıingi tergep-tekserý organynyń ótinishhaty qanaǵattandyrylyp, kúdikti A-ǵa qatysty 2 aı merzimge qamaýda ustaý túrindegi bultartpaý sharasy qoldanyldy.
Eske salaıyq, Almatyda avtobýs bir top adamdy qaqqan edi. Polıtsııanyń málimetinshe, №47-shi baǵyttaǵy qoǵamdyq kóliktiń ishindegi jolaýshy janjal shyǵaryp, júrgizýshi áıeldi urǵan. Saldarynan ol esinen tanyp, kólikti basqara almaı qalǵan.
Apat saldarynan 7 adam zardap shekti. Jedel medıtsınalyq qyzmet kelgenshe úsheýi qaıtys boldy.
Sondaı-aq, Almatyda avtobýs júrgizýshisin urǵan jolaýshyǵa qatysty qylmystyq is qozǵalǵanyn habarlaǵanbyz.
