Almatyda avtobýs júk kóligimen soqtyǵysyp, tórt adam zardap shekti
ALMATY. KAZINFORM - Almatyda jolaýshylar avtobýsy men eki júk kóligi soqtyǵysyp, jol-kólik oqıǵasy saldarynan tórt adam zardap shekti.
Almaty polıtsııa departamenti baspasóz qyzmetiniń málimetinshe, jol apaty 25 qyrkúıek saǵat 13:25-te Jetisý aýdanynda bolǵan.
Aldyn ala málimet boıynsha, Golden Dragon avtobýsynyń júrgizýshisi Bókeıhanov kóshesimen soltústik baǵytta kele jatqan. Raıymbek dańǵylyna jaqyndaǵan kezde ol rólge ıe bola almaı, jol jıeginde turǵan ZIL júk kóligimen soqtyǵysqan. Soqqydan ZIL ınertsııamen aldynda turǵan GAZ kóligine baryp soǵylǵan.
Jol apatynan ZIL júrgizýshisi men avtobýs jolaýshylary medıtsınalyq kómekke júgindi.
Oqıǵa boıynsha tekserý júrgizilip jatyr. Apattyń mán-jaıy men sebepteri anyqtalyp jatyr.
Eske salaıyq, Almatyda úsh kólik soqtyǵysyp, jolaýshy zardap shekken edi.
