Pyshaq ala júgirgen: Almatyda avtobýs ishinde janjal shyǵarǵandar ustaldy
ALMATY. KAZINFORM — Almatyda qoǵamdyq kóliktiń ishinde tóbeles boldy. Áleýmettik jelide úsh er adamnyń arasyndaǵy janjaldyń beınejazbasy tarady. Onda er adamnyń biri qolyna pyshaq alyp, ekinshisine umtylǵanyn kórýge bolady.
Polıtsııa departamentiniń málimetinshe, atalǵan derek boıynsha Túrksib aýdandyq polıtsııa basqarmasy qylmystyq is qozǵady. Kúdiktiler ustalyp, ýaqytsha ustaý ızolıatoryna qamalǵan.
— Janjalǵa qatysýshylardyń árqaısysynyń áreketine quqyqtyq baǵa beriledi. Mundaı agressıvti jáne qoǵamǵa qaýipti minez-qulyqqa jol berilmeıdi. Kináli tulǵalar Qazaqstan Respýblıkasynyń zańnamasyna sáıkes jaýapkershilikke tartylady, — dep habarlady departamentten.
Eske salaıyq, buǵan deıin Almatyda joldaǵy janjal kezinde júrgizýshini urǵan kúdikti ustaldy.
