Almatyda avtobýs ishinde egde jastaǵy azamatty urǵan adam ustaldy

ALMATY. KAZINFORM – Almatyda qoǵamdyq kólik ishinde janjal shyqty. Áleýmettik jelide kıkiljińniń beınejazbasy tarady. Onda er adamnyń egde jastaǵy azamatqa qol jumsaǵanyn, keıin ekeýiniń janjaly dalada jalǵasqanyn kórýge bolady.

Almaty qalasynyń polıtsııa departamenti bul derek boıynsha tekserý júrip jatqanyn habarlady.

- Quqyq buzýshy ustaldy. Oqıǵanyń barlyq mán-jaıy anyqtalyp jatyr. Tekserý nátıjesi boıynsha zańnamaǵa sáıkes quqyqtyq baǵa beriledi, - dep habarlady departamentten.

Eske salaıyq, buǵan deıin Almatyda polıtsııa qyzmetkerin ádeıi soqqan moped júrgizýshisi jazalanǵanyn jazǵanbyz.

Patrýldik polıtsııa qyzmetkerleriniń birin moped júrgizýshisi ádeıi qaǵyp, oqıǵa ornynan ketip qalǵan. Jedel is-sharalar nátıjesinde quqyq buzýshy anyqtalyp, ustaldy.